رجعت لحسابى على ديفاينت آرت بعد سنه كامله , ده مجرد فراغ ؟
انا شخص تصميماتى مش كتير , لكن مضيع وقتى فى الدروس و الرد على
الإستفسارات فى برامج محدده , لكن مش عارف , هل أنا مصمم فعلا
جدير إننى يكون عندى صفحه على ديقاينت آرت ؟

زمان و أنا صغير كنت بسأل , مادام مدرب السباحه بيعلم السباح
إزاى يكسب ميداليه , ليه المدرب مبيشاركش فى المسابقه و ياخد هوا
الميداليه ؟
الجواب كان إن المدرب كبر خلاص و مبقاش قادر على البلبطة فى المياه
طيب هل كان المدرب أخد الميداليه الدهب لما كان لسه صغنن و بيعوم
غالبا لأ
طيب على كده هل أبقى أنا وصلت لمرحله الشيخوخه الفكريه كمصمم ؟
غالبا آه , حاسس إن عمرى كمصمم قرب على النهايه , لكن هقاوحلى
يومين كده من نفسى
منجيلكوش فى حاجه وحشه , و العاقبه عندكم فى المسرات , ولا أراكم
الله مكروه فى مصمم لديكم